საერთაშორისო

საერთაშორისო ურთიერთობები

სკოლის მიზანია განავითაროს და დანერგოს ნატოსთან თავსებადი სასწავლო პროცესის ხარისხის უზრუნველყოფის სისტემა, რათა ეტაპობრივად უზრუნველყოფილ იქნას კონკრეტული კურსების ნატოს მიერ სერტიფიცირება.

სერტიფიცირებული კურსები განსაზღვრული იქნება როგორც ქართველი, ასევე ნატოს წევრი და პარტნიორი ქვეყნების წარმომადგენლებისათვის.

აკრედიტაციის საკითხებზე მიმდინარეობს გამოცდილების გაზიარება ნატოს მსგავსი სასწავლო დაწესებულებების წარმომადგენლებთან.  აღსანიშნავია თანამშრომლობა სლოვაკეთის რესპუბლიკის შეიარაღებული ძალების აკადემიასთან, მიმდინარეობს კოორდინაცია, იგეგმება თანამშრომლობის გაღრმავება რუმინეთის მხარესთან, ფინეთის თავდაცვის ძალების საერთაშორისო ცენტრთან აკრედიტაციის მიმართულებით.

სკოლის განვითარება ნატოსა და საქართველოს ერთობლივი პასუხისმგებლობაა. პროცესში აქტიურად მონაწილეობს ნატოს მხარე. სხვადასხვა პროგრამების და ნდობის ფონდების მეშვეობით (თავდაცვის შესაძლებლობების განვითარების ნდობის ფონდი - DCB,  ნატო-ს კეთილსინდისიერების ამაღლების პროგრამა - BI, ნატოს პროფესიული განვითარების პროგრამა - PDP).

აღსანიშნავია თანამშრომლობა:

გერმანიის ფედერაციულ რესპუბლიკასთან, რომელიც გახლავთ პროექტის ლიდერი ქვეყანა. სკოლის განვითარების პროცესში აქტიურად მონაწილეობს გერმანელი ექსპერტი. გერმანიის რესპუბლიკა პროექტის ძირითადი ფინანსური კონტრიბუტორია.

სლოვაკეთის რესპუბლიკასთან - სკოლის განვითარებაში აქტიურად მონაწილეობს სლოვაკი  მრჩეველი, სლოვაკეთის რესპუბლიკის შეირაღებული ძალების აკადემია ასევე ახორციელებს დახმარებას აკრედიტაციის საკითხებში გამოცდილების გაზიარების კუთხით.

ნიდერლანდების სამეფოსთან - ნიდერლანდების სამეფომ პირველმა გამოთქვა სკოლის ფინანსური  მხარდაჭერის მზაობა და  დაიწყო აქტიური თანამშრომლობა კლინგენდაელის საერთაშორისო ურთიერთობების ინსტიტუტთან.

იტალიის რესპუბლიკასთან:  მიმდინარეობს ერთობლივი   ,,სტაბილიზაციის და რეკონსტრუქციის საორიენტაციო კურსის“ შემუშავება და განვითარება, იტალიის არმიის პოსტ-კონფლიქტური ოპერაციების სასწავლო ცენტრის მხარდაჭერით.

ნორვეგიის სამეფოსთან: სკოლამ ნორვეგიის სამეფოს მხარდაჭერით დაიწყო 3 წლიანი პროექტი დისტანციური სწავლების შესაძლებლობების განვითარების მიზნით, პროექტში ჩართულია ნორვეგიის თავდაცვის სამინისტრო და აშშ-ს ჯეფერსონის ინსტიტუტი;

ესტონეთის რესპუბლიკასთან: 6 წელია ესტონეთის მხარის და ნატო-ს პროფესიული განვითარების პროგრამის მხარდაჭერით  ხორციელდება ეროვნული თავდაცვის უმაღლესი კურსი, აღნიშნული დახმარება სკოლის ფარგლებშიც გრძელდება. 

ლუქსემბურგი, მონტენეგრო, ფინეთის რესპუბლიკა, ბოსნია და ჰერცეგოვინა, ავსტრიის რესპუბლიკა, რუმინეთი,  ბრიტანეთი ეს იმ პარტნიორ ქვეყანათა ჩამონათვალია, რომელიც სკოლის განვითარების პროცესში სხვადასხვა ფორმით მონაწილეობს ან გეგმავს აქტივობების მხარდაჭერას.